Pait Kam Karne Ki Tips

Pait Kam Karne Ki Tips

pait ki charbi pighlane ka tarika

Mard ho ya ladies, jab jismani wazan barhta ha to tond bahar nikalne lagti ha jo shakhsiyat ko bedol bana deti ha. Wese ladies ke muqable mein mardo mein tond ziyada asani se nikal jati ha kiyounke in ke jism mein charbi ka zakheera hi pait ke is hisse mein hota ha jise hum tond kehte hein. To kiya aap ki bhi tond nikal aai ha? Wese ye jaan lein ke jism ke is hisse mein mojood charbi ko ghulana hi sab se mushkil hota ha. Magar is ka hal bhi aap ke kitchen mein adrak aur pani ki shakal mein mojood ha. Ji haan adrak mila pani is hawale se bohat ziyada faidamand hota ha kiyounke ye raano, hips aur kamar ke gird jama hone wali charbi ko pighlata ha.

Is Ko Banane Ka Tarika Bhi Bohat Asan Ha:

Adrak ke kuch patle pieces lein aur 1.5 liter water mein shamil kardein. wese dil kare to kuch miqdar mein lemon juice bhi shamil kiya ja sakta ha.
Ise banane ke liye sab se pehle pani ko boil karein aur phir is mein adrak ke slice ka izafa kardein. Is mixture ko 15 minute tak spoon se hilayen aur phir choolhe se utar kar thanda hone dein aur phir thora sa lemon juice shamil kardein.
Har subah breakfast se qabal aur raat ko khane se qabal 1 glass pee lein, chand dino mein aap tond ke hawale se numaya faraq dekhengay.
Adrak mein magnesium aur zinc jese ingredients mojood hote hein jo blood circulation ko behtar banate hein. Is ke natije mein jigar mein mojood nuqsan deh cholesterol ka ijma bhi kam hone ka amkan hota ha jo ke amraz e qalb aur falij jese amraz se tahaffuz de sakta ha. Wese adrak bukhar mein kami lane aur ziyada paseene aane ke masail se bhi nijat dilati ha aur adrak mila pani bhi faida mand sabit ho sakta ha.