Wazifa For Money
Insan ki zindagi mein utar charhao aata rehta ha usko kabhi khushi milti ha to kabhi gham ka samna karna parta ha. Kabhi us ki sehat achi hoti ha to kabhi beemario ne gher rakha hota ha. Kabhi wafir miqdar mein rizq hota paiso ki rel pel hoti ha to kabhi 1 waqt ke khane ko nahi hota, kabhi wasail kabhi masail. Ye tamam cheeein insan ki zindagi ka hissa ha aur marte dam tak ye chalte rehte hein lekin asal kamal to ye hai ke insan har halat mein Allah ka shukar ada kare aur uski taraf se kisi bhi bheji jane wali halat mein khush rahe.
Insan ko Allah se mangna chahiye kiyounke jo milta ha Allah se milta ha is liye tanhai mein usko yaad karna chahiye uske aagay sar basoojood hokar apnay masail pesh karne chahiye tab jakar Allah bhi nawazta ha. Aaj hum aap ko 1 aesa Wazifa batane ja rahe hein jis ke parhne rizq ki tangi khatam ho jayegi, berozgari nahi rahegi aur agar karobar ha to is mein aesi barkat aaye gi ke phir sanbhalne se bhi nahi sanbhle ga. Ye Wazifa bas raat sone se pehle kar liya karein aur phir is ke kamalat dekhein. Wazifa aap ne is tarah karna ha ke awal o aakhir 3, 3 baar Darood e Ibrahimi parhein aur darmiyan mein 300 baar "Ya Wahabu Ya Razzaqu" parhein aur kisi se baat kiye baghair so jayen. Maal o dolat mein izafa ke liye ye Wazifa bohat moassar ha. Insha Allah be panah maal o daulat mein izafa hoga. Ye amal 1 saal tak jari rakhein aur agar ho sake to is amal ko apni zindagi ka mamool bana lein Insha Allah is amal ki barkat se zindagi bhar mohtaji se bache rahengay aur rizq ki farawani aur maal o dolat ki rel pel rahegi.
No comments:
Post a Comment