Pani Se Wazan Kam Karne Ka Tarika

Pani Se Wazan Kam Karne Ka Tarika

Aksar motapay ka shikar log is marz se nijat ke liye bhari exercise karte hein or expensive medicines ka sahara lete hein magar ab expert ne 1 makhsoos waqt mein pani pee kar motapa kam karne ka asan tarika bata diya hai.

British Newspaper Daily Mail ki report ke mutabiq expert ka kehna hai ke agar motapay ka shikar afrad daily khanay se qabal mehez half liter pani peena shru kar dein to wo 12 weeks mein 2 kg weight loss kar sakte hein.

Apni is research mein expert ne motapay mein mubtala bari age ke mard o khawateen par tajurba kiye. Expert ne inhen 2 groups mein taqseem kar diya or dono groups ko 1 jesi diet khurak khane ko kaha magar 1 group ko khane se 30 minute qabal 500 ml izafi pani peene ki hidayat kar di. Dono groups ne mahireen ki hidayat par 12 weeks tak amal kiya. 12 weeks baad jab in doobara muaina kiya gaya to jis group ke afrad ko khanay se qabal pani peene ki hidayat ki gai thi un ke wazan mein 7 se 10 kg kami hui thi.

Is se expert is natije par pohanchay ke weight kam karne ke liye dieting ke sath sath khanay se 30 minute qabal 500 ml pani peene se izafi motapa kam kiya ja sakta ha.