Apna Ghar Hasil Karne Ka Wazifa

Zati Ghar Ka Wazifa

Ye amal zati ghar ke liye bohat moassar hai, agar koi shakhs rent par ho or financially strong na hone ki waja se us mein zati makan banane ki sakat no ho to use chahiye ke ism mubarak "Ya Maliku" ko roz 10,000 martaba parhe ghar ke sab afrad mil kar parh sakte hein or kam az kam 3 saal tak is ism ko parhta rahe. Insha Allah, Allah Ta'la uski aesay zaraye se maali imdad karega ke wo soch bhi nahi sakega or apni khuwahish ke mutabiq zati makan bana lega.

Agar koi shaks apna zati ghar hasil karne ki khwahish rakhta hai aur koshishon ke bawajood kamiyabi nahi ho rahi, to yeh wazifa Allah ke fazal se bohat mo’asar hai:

Amal ka Tariqa:

• Bawuzu ho kar do rakat nafil hajat parhain.

• Namaz ke baad 11 martaba Durood e Ibrahimi parhain.

• Phir 313 martaba Surah Mominoon (Ayat 29) parhain.

• Aakhir mein dobara 11 martaba Durood e Ibrahimi parhain.

• Dua karein ke Allah Ta’ala apne fazal se aap ko zati ghar ata farmae.

Muddat-e-Amal:

Yeh wazifa rozana Namaz-e-Isha ke baad kam az kam 40 din tak pabandi se karte rahen. InshaAllah Ta’ala jald hi Allah Ta’ala behtareen zariya paida farma dega aur rehaish ke liye behtareen makan ata hoga.