Wazifa For Face Beauty And Face Whitening

Wazifa For Face Beauty And Face Whitening



Aaj hum aap ko chehray ki khoobsurti ke liye kuch wazaif batayengay jis se aap ke chehray par khoobsurti aa jayegi chehray par noor aa jayega. Lekin yaad rakhein Namaz ki pabandi shart ha. Nazireen Wazifa krnay ke sath sath pani ka istemal ziyada se ziyada karein kiyounke pani health ke liye bhi zaroori ha aur skin ke liye bhi zaroori ha.

1.Nazireen jab bhi aap ko time Allah Ta'la ke naam Ya Khaliqu Ya Musawiru Ya Jameelu chalte phirte, uth'tay beth'tay wird karein. Is ki koi limit nahi jab bhi aap ko time mile in naamo ka wird karein Insha Allah aap ke chehre ki khoobsurti mein izafa hoga aur chehray par noor aa jayega.

2. Chehre ki khoobsurti mein izafa ke liye Quran Pak ki Surah Aal e Imran ki Ayat # 107 yaad kar lein aur har Namaz ke baad is Ayat ko 3 baar parhein phir apnay hathon par phoonk marien aur phir apnay dono hath apnay chehray par pher lein. Insha Allah kuch hi dino mein aap ko bohat faraq nazar aaye ga.

3. Para # 18 Surah Noor ki Ayat # 35 ko chehra noorani aur ronaq afroz bananay ke liye har Namaz ke baad 1 martaba prh kar apnay chehray aur jism par dam karein, Insha Allah chehra aur dil noorani ho jayega.

4. Nazireen agar aap ke chehre par danay hein to ye Wazifa karein Insha Allah danay khatam ho jayengay aur aap ka chehra bilkul saaf shaffaf ho jayega. Ya Raqeebu rozana 3 martaba awal aakhir 1, 1 baar Durood Shareef parh kar hathon par dam kar ke apnay chehre par pher lein aur danay khatam honay tak jari rakhein.

Nazireen hum ne aap ko 4 Wazaif aap bataye hein aap koi sa bhi Wazifa kar sakte hein aur in Wazaif ki ijazat aam ha yani ijazat lenay ki zaroorat nahi.

No comments:

Post a Comment

Related Posts Plugin for WordPress, Blogger...